Esaki tabata un decision unanime, e iniciativa a obtene 61 voto di e senador presente den e votacion.
En medio di un profundo crisis economico, cu ainda mas ta golpia e hogarnan Argentino cu menos recurso, e oficialismo y oposicion a uni pa aproba e programa cu ta busca fortalece programanan social pa e comunidad mas vulnerabel.
E ley ta establece un aumento di casi 50% di e presupuesto nacional pa abastecemento di comedor, dirigi pa e poblacion cu capacidad economico menor.
Segun calculo aproxima di Oficina di Presupuesto di Congreso, e aumento aki lo implica un costo fiscal adicional di alrededor di 172 miyon dollar pa e aña aki.
Asina mes, e norma ta permiti pa e hefe di Gabinete actualisa cada tres luna e presupuesto corespondiente pa politica publico di alimentacion y nutricion, segun e aumento di inflacion y cambionan posibel riba e producto basico di canasta familiar.
E Ley di Emergencia di Alimentacion Nacional a ser aproba pa prome biaha na 2002, pa decreto y tabatin varios renobacion, esun mas reciente tabata na 2016 y ta caduca na december di 2019. Esun cu a keda aproba awor pa e Congreso ta extende te cu december di 2022.
