![APTOPIX Copa America Soccer Argentina Colombia](https://www.bondia.com/wp-content/uploads/2024/07/Argentina-ta-lider-den-ranking-di-FIFA-en-medio-di-scandal-pa-cantica-racista-1_result-696x392.jpg)
(Independent) – Ayera diahuebs Argentina a keda como equipo number 1 di acuerdo cu ranking di FIFA despues cu gobierno local a defende e celebracion di e weganan ora a gana Copa America cu un cantica racista dirigi na Francia, cu ta di dos luga den e ranking.
E repercusionnan di e cantica a ser graba diadomingo ultimo na Miami na unda tabata burla di e descendencia Africano di hungadonan Frances–cual ta continua cinco dia despues—incluyendo e rechaso na criticanan di e vice-presidente di gobierno di Javier Milei, Victoria Villarruel.
Gobierno Argentino diaranson ultimo a retira di su funcion un di su lidernan di deporte, esun cu a pidi Lionel Messi y presidente di e Asociacion di Futbol Argentino pa pidi dispensa.
Villaruel a sigura cu historia di Argentina a ser crea pa personanan di tur rasa: “Argentina ta un pais soberano y liber. Nunca nos tabatin colonianan ni ciudadanonan di segunda. Nunca nos a impone nos forma di bida riba ningun hende. Pero tampoco nos ta bay tolera cu nan lo kier haci cu nos.”
Di otro banda, e dos competencia continental di mas importante, Eurocopa y Copa America a finalisa. Pa e motibo ey, a yega momento di actualisa e ranking di FIFA, e cual a haya bastante movecion debi na resultadonan di e ultimo luna.
Argentina ta mantene su prome luga den clasificacion mundial despues di a bira e campeon na Merca, mientras cu Mexico a baha di posicion despues di su salida den fase di e gruponan. Esun cu mas a subi cu 17 puesto ta Venezuela, cual a yega number 37, Republica Checo a baha 13 puesto, e mayor caida den edicion aki, ora Spaña a keda campeon di Europa. Merca a baha cinco luga y a keda na posicion 16.
E top 10 di ranking mundial ta:
- Argentina (=)
- Francia (=)
- España (+5)
- Inglaterra (+1)
- Brasil (-1)
- Bélgica (-3)
- Hulanda (cu a keda igual)
- Portugal (-2)
- Colombia (+3)
- Italia (=)