Economista Ignacio Carballo ta considera cu e prima di risico di Argentina, cu diaranson pasa a marca e nivel maximo desde aña 2014, a aumenta pa motibo cu e mercado ta desconfia di e economia di e pais sur Americano, ora yega e ‘momento di enfrenta e debenan’.
Argentina lo celebra eleccion presidencial dia 27 di october proximo, cu e candidatura posibel di e opositor Cristina Fernandez (2007-2015), y mientras e Gobierno di Mauricio Macri ta atribui e aumento di e prima pa e risico di e duda riba un programa economico alternativo di ex-presidente, Carballo no ta di acuerdo cu e tesis cu a ser publica pa e ehecutivo.
Ademas, e ta sostene cu e pais sur Americano ‘no a mustra di tin un rumbo pa mediano of largo plaso, mas aya di loke lo por sosode na eleccionnan di october’.
Es decir, pa e economista aki, docente investigado na Universidad Catolico di Argentina, Universidad di Buenos Aires y Universidad Austral, e eleccionnan, den cual ta ser specula cu Fernandez lo por postula na luna di juni, ta un di e factor di desconfiansa externo, pero decisivo.
Mientras tanto, e ciudadanonan ta wak con e peso a keda devalua mas di 50% den un aña, cu ciclo di caida cu e ehecutivo ta combati cu cifra di interes halto y subasta programa di dollar, loke a acelera inflacion rapidamente. Na maart, inflacion tabata di 4,7% compara cu februari di 54,7 interanual, na e mey di un caida progresivo di e actividad economico.
Den definitivo, e indicador existente ta indica e ‘poco probabilidad of certidumbre cu Argentina lo por enfrenta su debenan of pago desde october di 2019’.
