(AP) — Un corte Argentino ayera a duna sentencia na un obispo Catolico cu 4 aña y mey di prison pa abuso sexual di dos ex-seminarista, den un golpi mayor na Papa Francisco, kende a defende Gustavo Zanchetta despues di acusacionnan inicial.
Oficina di fiscal den pronvicia di Salta a reporta e condena y sentencia riba su cuenta di Twitter, y a bisa cu a duna orden pa su aresto.
Condena na pais natal di e Papa ta afecta credibilidad personal di Francis, ya cu inicialmente el a rechasa e acusacionnan contra Zancheta, ex-obispo di Oran, y a crea un trabao p’e na e Vaticano cu a sak’e di Argentina.
Francis a defende su maneho di e caso, insistiendo cu Zanchetta a ‘defende su mes bon’ na momento cu a confront’e cu e acusacionnan inicial cu e tabata imagen pornografico di victima den su celular. Francis tambe a defende e decision pa dun’e un trabao den e oficinanan mas sensitivo di Vaticano, e tesoro cu ta maneha inversion- y activonan di e Santa Sede, bisando cu a receta Zanchetta retironan psicologico cada luna na Spaña y no tin sentido pa e bolbe Argentina entre cada sesion.
Despues di e veredicto, e obispo, bistiendo tapaboca, a retira di corte den un auto, maske no a keda cla na unda a traslad’e.
Autoridadnan local a cuminsa investiga despues cu e acusacionnan a sali na publico na 2019, ora corant El Tribuno de Salta a reporta keho tocante conducta di Zanchetta como obispo di Oran. Cinco pastoor a haci un acusacion formal cerca autoridadnan di iglesia contra e obispo na 2016, acusando e di autoritarianismo, mal maneho financiero y abuso sexual na e seminario San Juan XXIII.
Fiscal Maria Soledad Filtrin Cuezzo a bisa corte diahuebs cu investigadornan a establece e veracidad di e testigonan contra e obispo, citando nan logica interno, contexto y detayenan precies.
Zanchetta a bula back na su pais natal for di Roma pa enfrenta e cargonan. El a rechasa e cargonan bisando cu e ta victima di vengansa di pastoornan na Oran cu ken e tabatin diferencianan. Papa a ordena un huicio eclesiastico riba e caso, maske e resultadonan di esey no ta conoci.
Riba potret: Zanchetta (links) ta para cu su abogado despues di su condena y sentencia.
