Argentina a perde un huicio miyonario pa e expropiacion di e empresa Aerolinea Argentina pa e compania multinacional Spaño Marsans, na e Centro Internacional di Areglo di Diferencia relativo pa Inversion (CIADI), e tribunal arbitrario di e Banco Mundial cu sede na Washington. P’esey, e Estado mester paga mas di 320 miyon di dollar, diesun aña despues di e proceso di expropiacion pa cual gobierno di Cristina Fernandez a paga e cifra simbolico di un peso.
E fayo a laga sin efecto e intencion di Argentina di anula e sentencia di 320 miyon di dollar, dicta pa CIADI na 2017. “E solicitud di anulacion di Argentina ta rechasa”, CIADI a afirma den su fayo. “Argentina mester paga e totalidad di e costo di e procedemento y lo paga pa e demandante e suma di 1.017.512 dollar pa concepto di costo di representacion; y tur e demas pretencion ta desestima”, e sentencia a agrega.
Nuebe aña despues, e expropiacion di e linea aereo pa e grupo Spaño, e indemnisacion cu Argentina mester paga tabata di 320 miyon di dollar pa concepto di daño mas interes compuesto previo y despues di e sentencia, asina como 3,5 miyon di dollar pa concepto di costo y gasto legal. Hopi menos di loke e grupo Marsans a pidi, cu tabata 600 miyon di dollar aproximadamente.
