E Conferencia Episcopal Argentino (CEA) a afirma ayera cu pa e convocatorio di e presidente di e pais, Mauricio Macri, por ta productivo y por logra elimina e crisis economico, mester scucha tur e bandanan cu un ‘agenda abierto’.
E Comision Ehecutivo di CEA, cu e obispo di San Isidro, Oscar V. Ojea como lider, a contesta un carta di e mandatario despues cu dialuna pasa el a haci un invitacion oficial pa e lider di oposicion, empresanan, sindicato, y Iglesia pa clarifica dudanan di e pais riba mercado financiero.
E texto a ser elabora na Roma, unda e cupula di e Iglesia catolico Argentino ta pa varios dia, hunto cu su compatriota e Papa Francisco, pa ken nan ta informa di nan tarea na e diocesis di e pais.
Den su convocatorio, cu ta yega faltando seis luna pa eleccion presidencial, Macri ta establece un dialogo predefini cu ta busca compromiso pa mantene e ekilibrio fiscal, sostene e Banco Central independiente den e lucha contra inflacion, promove un integracion ‘inteligente’ cu mundo y consolida siguridad huridico.
Tambe pa e creacion di un trabou formal ‘a traves di un legislacion laboral moderno’, reduci impuesto, consolida un sistema di hubileo ‘sostenibel y equitativo’, sigura un ‘sistema di estadistica profesional, confiabel y independiente’ y cumpli cu e ‘obligacion’ di pago di debe externo.
“Nos ta considera hopi importante faborece un ambito di dialogo, pa e buskeda di consenso pa un agenda abierto y sensibel pa e realidad nacional, pa e bida de esunnan mas pober, y e proyecto di pais cu nos ta soña y kier”, e obisponan a señala.
