“For di comienso di decada 90 te actualmente, e mortalidad pa via di suicidio cerca adolescente a triplica na e pais”, e estudio ta revela. Entre 2015 y 2017, e ultimo aña cu cifranan oficial, 12.7 di cada 100.000 adolescente entre 15 y 19 a proboca nan morto na Argentina.
E informe “Suicidio den adolescencia. Situacion na Argentina” cu a ser presenta diahuebs pasa pa Unicef, ta adverti cu e cifra a triplica su balor for di aña nobenta y ta exigi un politica publico di prevencion.
Ta trata di e di dos causa di fayecimento den e grupo di edad aki, despues di accidente di transito: Na 2017, a fayece 250. Sinembargo, e fenomeno ta casi ausente den medionan di comunicacion.
Entre 2016 y 2018, e cadena di television principal a informa di dos suicidio so di adolescente, segun datonan di e Defensoria di Publico cita pa Romina Paolino, di Direccion di Analisis, Investigacion, y Monitoreo di e organismo. Na mesun tempo, e falta di recurso pa asistencia di hobennan vulnerabel, capacitacion di hende profesional y red institucional cu lo por duna contesta pa situacionnan critico cu e menornan ta pasa aden, Unicef ta sigura.
Ta trata di un estudio inicial y su resultado no ta supone cu e problema lo por continua den futuro, pero si ta aporta algun pista. Un nivel baho di educacion, ta e unico indicador di nivel socioeconomico disponibel den e datonan oficial; y ta triplica e risico cerca homber y ta casi duplica entre muhenan.
Entre otro recomendacion presenta den e estudio, tambe ta e necesidad di tin dato confiabel tocante suicidio y intento, pa asina desaroya protocol specifico di atencion pa e sistema di salud, centro educativo y forsa di siguridad y incentiva e formacion di lidernan adolescente cu e tematica aki pa fortalece e trabou entre nan.
