(NLTimes) – Ministerio Publico (OM) a confirma e aresto di un muhe di 62 aña di edad for di Amsterdam y un homber di 69 aña di edad for di Weert bao sospecha di traficacion humano (mensensmokkel).

E muhe supuestamente tabata regla vivienda y luga di trabao pa trahadornan sexual for di America Latino pa un suma, maske e trahadonan sexual no tabata biba legalmente na e pais. E homber ta acusa di transporta nan na e sitionan, segun OM.

Tambe tabata pone aviso riba internet pa un suma, y tabata haci negociacionnan cu clientenan. E trahadonan sexual mester a paga un parti relativamente halto di nan ganashi pa esaki, OM a bisa. E contacto di 1,600 prostituta y hende cu a provee nan cu shelter y un espacio pa traha a ser haya riba e telefon di e muhe for di Amsterdam.

A manda un mensahe na tur e contactonan aki pa informa e trahadonan sexual cu por tuma contacto cu polis pa asistencia si ta necesario, y pa bisa esnan cu a yuda e sospechosonan cu nan por ta culpable di traficacion humano.

“Prostitutanan Latino Americano usualmente ta den un posicion vulnerable y dependiente. Nan no ta domina idioma Hulandes y hopi biaha tampoco Ingles. Generalmente nan ta on call 24 ora pa dia, 7 dia pa siman, hopi biaha pa sex completamente riesgoso”, OM a declara. “Nan no ta traha den e mesun luga pa mas cu un siman y despues ta move bay otro luga. Ta haci esaki pa mantene diversidad den loke ta ofrece den un ciudad, pero tambe ta preveni e prostitutanan for di crea un red social.”

Personanan transgenero atrapa mientras ta busca un miho bida
 Tin cantidad di hende transgenero entre e trahadornan sexual Latino Americano, OM a bisa. Den añanan recien, e hudiciario a mira un aumento di e grupo aki durante chekeo riba servicionan di prostitucion na Hulanda. Nan ta biaha na Europa cu speransa di un miho bida, segun OM.

“Na nan pais nativo, nan ta enfrenta e escogencia di bira un estilista di cabey of un prostituta, si no mata nan pa motibo di nan identidad”, OM a bisa.

Al menos 700 trahador sexual Latino Americano ta residi na Hulanda, OM ta specula. “E calculacion aki ta basa riba e cantidad di aviso cu e grupo aki ta pone riba e website di sex mas grandi. E cifra real probablemente ta mas halto.”

Europol tambe a mira un aumento den casonan di traficacion humano na Europa involucrando sospechoso y victimanan di Latino America. “Ta kere cu eynan tin un carousel di prostituta transgenero Latino Americano cu ta traha pa periodonan cortico di tempo for di casnan na e pais, y na Europa”, OM a bisa.

E magistrado examinador na Zwolle a duna veredicto diabierna cu e muhe mester keda den detencion prome cu huicio pa al menos dos siman mas. E homber a keda liber riba e mesun dia, pero e ta permanece como sospechoso den e investigacion.

OM no a bisa cu e sospechosonan den e caso aki ta acusa di traficacion humano (mensenhandel). “Traficacion humano (mensensmokkel) ta involucra asistencia cu entrada ilegal [den e pais], transito y residencia” mientras cu [mensenhandel] ta un ‘forma moderno di sclavitud’, segun OM. “Prostitucion forsa y explotacion laboral ta forma di traficacion humano, pero otro ehempelnan ta obliga pa pidi placa riba caya y forsosamente comete actividadnan criminal.”