Diaranson marduga central di polis tabata keda bombardia di yamadanan di habitantenan cu ta biba den area di Socotoro, Madiki y bisindario unda a scucha basta tiro.
Esaki a pone cu a mobilisa polisnan di Oranjestad y Noord di biaha. Patruyanan a topa cu hendenan cana na pia cu tambe a scucha mas cu 4 tiro. Despues di rato mas tiro a keda scucha, esaki a pone cu polis a tira un control grandi den area di Rancho, Madiki, Socotorolaan y Socotorowijk unda te asta ey banda a scucha e tironan.
Pero ora polis a bolbe haya un yamada di hende den Avenida Alo Tromp a constata cu tabata e muchanan di Ranchostraat tabata tira klapchi pone cu e hendenan ta kere ta tiro. Polisnan a bay di biaha pa nan y asina hala nan atencion debidamente.
