(AP) – Apple a informa cu nan a kita Meta su aplicacionnan WhatsApp y Threads for di App Store na China pa cumpli cu ordonan di e autoridadnan Chines.

E decision aki a bini riba diabierna despues cu oficialnan di China a cita preocupacionnan di siguridad nacional cu no a specifica. Esaki tambe a tuma luga den medio di tensionnan eleva entre Merca y China a causa di exportacion, tecnologia y seguridad nacional.

Reino Uni a menasa di prohibi TikTok a causa di preocupacionnan di seguridad nacional. Sinembargo mientras TikTok ta propiedad di e compania di tecnologia Chines ByteDance y ta usa pa miyones di persona na Merca, aplicacionnan manera WhatsApp y Threads no ta usa comunmente na China.

Na luga di esaki, aplicacion WeChat, propiedad di compania Chines Tencent, ta esun mas usa.

Otro aplicacionnan di Meta manera Facebook, Instagram y Messenger te ainda ta disponibel pa descarga, aunke e uso di e aplicacionnan aki na China ta blokia a causa di su red di filtro yama “Great Firewall” unda ta restringi e uso di websitenan internacional manera Google y Facebook. “Cyberspace Administration of China” a duna ordo pa kita e aplicacionnan aki for di e China su tienda basa riba nan preocupacionnan di seguridad nacional,” Apple a bisa den un declaracion. “Nos ta obliga cumpli cu e leynan di e paisnan unda nos ta opera, hasta si nos ta den desacuerdo.”

Apple, ken tabata e creador di smartphone top den mundo, a perde e posicion top na e rival Koreano Samsung Electronics. E compania Mericano a enkontra problemanan na China, un di su top 3 mercado, cu bentanan cayendo despues cu e agencianan di gobierno Chines a ricibi ordo di no hiba dispositovonan di Apple trabao.

Apple a cuminsa diversifica su base di fabricacion fuera di China.

Su CEO Tim Cook tin e siman aki bishitando paisnan na Asia manera Hanoi y Jakarta prome cu e termina su biahe na Singapore. Riba diabierna el a reuni cu Singapore su Prome Minister Diputado Lawrence Wong, unda nan a “dialoga tocante e partnership entre Singapore y Apple, y Apple su compromiso continuo di haci negoshi na Singapore.”

Apple a compromete di inverti mas di 250 miyon dollar pa expande su univiersidad den e estado.

Anteriormente e siman aki, Cook a reuni cu e Prome Minister di Vietnam Pham Minh Chinh na Hanoi, unda a compromete pa aumenta e gastonan riba proveedornan di Vietnam.