FILE - In this June 4, 2018, file photo Craig Federighi, Apple's senior vice president of Software Engineering, speaks about Siri during an announcement of new products at the Apple Worldwide Developers Conference in San Jose, Calif. Apple is apologizing and changing the way humans review audio recordings made through the company’s Siri digital assistant. The company already suspended the practice following the discovery that Apple and other major tech companies have been doing this. (AP Photo/Marcio Jose Sanchez, File)

Apple ta disculpando pa permiti persona tercero pa scucha pida di combersacionnan graba di su usuarionan cu su assistent digital Siri, un practica cu a socava su esfuersonan pa posiciona su mes como un steward di privacidad.

Como parti di e disculpa post ayera, Apple a reitera un promesa anterior pa stop di warda audio graba a traves di Siri, a menos cu consumidonan duna permiso.

Ora cu ricibi permiso, Apple a bisa cu ta unicamente su propio empleadonan lo ta permiti pa revisa e audio pa mehora servicio. Anteriormente, e compania a contrata contratista pa scucha algun grabacion.

Apple no a bisa con lo busca permiso. Den pasado, e compania basa na California tipicamente a pidi permiso a traves di ‘prompt’ durante instalacion di update di software.

Den lunanan recien, Facebook, Google, Amazon, Microsoft y Apple a reconoce cu hende ta scucha interaccion di usuarionan cu assistent di inteligencia artificial cu meta pa mehora servicio. Pero usuarionan tipicamente no ta na haltura cu ta hende y no djis computer ta revisando e audio.

E uzo di humano pa scucha grabacion di audio ta particularmente preocupante pa expertonan di privacidad, pasobra ta aumenta chens cu un empleado of contratista por lek detayenan di loke ta wordo bisa, incluyendo parti di combersacionnan sensitivo.

E critica contra e practica di industria a pone Facebook y Google stop di depende riba hende pa transcribi combersacionnan graba. Amazon ta continuando e practica a menos cu usuarionan di Alexa explicitamente exigi pa block humano di scucha. Microsoft tambe ta haciendo esaki, bisando cu tin salvaguardia di siguridad adecua pa su assistent digital Cortana.

Apple tin intencion di continua depende riba transcripcion genera pa computer di locual ta wordo bisa na Siri como parti di un esfuerso pa mehora servicio, hasta si un usuario no a duna permiso explicito.

A diferencia di Facebook, Google y Amazon, cu ta track locual hende ta haci y unda nan ta bay pa bende aviso y mercancia, Apple a enfatisa cu no tin interes di spiona bida di su clientenan.

CEO Tim Cook repetidamente a declara e creencia di e compania cu ‘privacidad ta un derecho humano fundamental’, frase presente den e disculpa.