Doñonan di iPhone por ricibi $25 di Apple despues cu e compania a acorda pa paga te cu $500 miyon pa resolve demandanan riba intencionalmente baha velocidad di celularnan mas bieu pa preserva bateria.
Apple y abogadonan representando consumidonan di iPhone a acorda na un acuerdo resultando di e admision di Apple na 2017 cu tabata reduciendo prestacion di celular den modelonan mas antiguo pa evita shutdown inespera relaciona cu fatiga di bateria.
E admision aki a conduci na Apple ofreciendo descuento pa reeplaso di bateria na $29, pero hopi cliente a admiti cu ya caba a gasta centenares di dollar pa cumpra telefonnan nobo pasobra Apple no a revela e causa di e problema. Si nan tabata sa cu por a djis cumpra bateria nobo, nan no lo a cumpra un celular nobo, algun cliente den e caso a bisa.
Apple no a admiti di a haci un fout. Como parti di e acuerdo, e compania lo paga $310 miyon, pa yega na $500 miyon incliyendo e $93 miyon na abogadonan representando e consumidonan.
Usuarionan di iPhone nombra den e demanda colectivo lo ricibi alrededor di $3,500 cada un. Lo distribui e resto di e placa na doñonan di iPhone 6, 6S, 7 y SE kende ta cumpli cu rekerimentonan di eligibilidad relaciona na e sistema operacional cu tabata usa. Nan mester entrega un peticion pa haya e placa. Si demasiado hende aplica, e cantidad di $25 por reduci.
Un hues federal na San Jose, California, ainda mester aproba e acuerdo.
