El a yega di yama caba pa un boycott di e eleccionnan di Rusia na luna di maart. Na momentonan aki activista Alexey Navalny ta haciendo un apelacion na su siguidornan pa ‘agita cu tur forsa’ durante protestanan rond di e pais pa e siguiente luna. Navalny e siman aki a haya atencion pa a reta Vladimir Putin pa presidencia di e pais pa motibo di un conviccion cu e cu su siguidornan ta bisa ta ‘politicamente motiva.’ Den adicion cu lastrando CEC (Central Election Commission) su decision pa rechasa e registracion, Navalny a bisa cu e aprobacion di otro candidatonan di oposicion, tin balor di nada menos cu un stempel di Putin.
“E procedura den cual nos a wordo invita pa participa no ta un eleccion,” el a bisa mas trempan e siman aki. “E ta envolvi solamente Putin y e candidatonan kende el a personalmente escoge, cu no ta nada menasante pe.” Den un Blog post diaranson, Navalny a continua su atake riba Putin y CEC, haciendo apelacion na votadornan rond di e pais pa protesta riba 28 di januari den apoyo di e boycott di e eleccion di 18 di maart.
Fuente: CNN
