(CuraçaoChronicle) – Ansary Group a inicia e proceso di evalua e balor di Mulley Bay. Esaki ta loke Mr. Ralph Palm a declara sin provee hopi detaye.
Manera ta conoci, Corte di 3 Hues a ordena e partidonan pa bini cu un evaluacion di Mullet Bay pa asina Corte di Husticia por investiga si e cantidad di 700 miyon florin tuma for di Ennia ta responsabel.
For di aña 2002 te cu aña 2021, a ehecuta por lo menos 13 evaluacion di Mullet Bay, cual ta balorisa actualmente na 770 miyon florin segun Parman International, mientras cu segun Banco Central, e balor di Mullet Bay no ta surpasa 90 miyon florin. Esaki ta un discrepancia sumamente grandi entre ambos partido. E balor di Mullet Bay ta crucial pa motibo cu e ta reporta como un propiedad cu EC Investment, cual a usa, entre otro, e balor activa di Mullet Bay pa responsabilisa cu inversionnan via Ennia Caribe Leven pa e mercado di bienes internacional. Den Ennia su bukinan, ta papia di 770 miyon florin. E 770 miyon florin aki ta sirbi como un garantia pa EC investment usa Ennia Caribe su placa pa manda na Parman International pa na su turno usa den mercado di bienes na Merca. 770 miyon menos 90 miyon ta marca un diferencia di 680 miyon florin. Segun Parman International, nan ta sorprendi cu awo Banco Central ta cuestiona e balor di Mullet Bay mientras cu Banco Central mes a permiti Ennia Caribe cobra riba prijs di e propiedad relaciona na e balor di 770 miyon.
Segun Ansary Group su abogadonan, un transferencia riba balans ehecuta bao ordo di Banco Central ta afirma e balor di Mullet Bay na 700 miyon florin. Esaki ta loke Mirto Murray a revela den corte riba diamars. Segun Murrey, e propiedad di Mullet Bay ta pertenece na SunResorts Ltd. E accionnan di e compania aki ta incorpora den e gruponan alia di Caribbean Bank comosu propio capital den aña 2005.
Un condo riba The Fourteen, cu ta midi 100 meter cuadra, ta ser bendi pa 1.1 miyon florin. Esaki ta sali na 10,000 florin pa cada meter cuadra di construccion. Si un regla comun ser aplica unda e relacion entre e meter cuadra di construccion y e balor di e tereno por ser calcula, Mullet Bay su balor den tereno y naturalesa por tin un prijs den mercado di por lo menos 1,000 florin pa meter cuadra. Esaki ta nifica cu e balor en total di e tereno mes, sin construccion, por ta entre 680 pa 780 miyon florin. Pensionadonan di Ennia ta depende riba e balor di Mullet Bay.
