(CuraçaoChronicle) – Ennia su ex doño, Hushang Ansary, ta ser considera responsabel pa aproximadamente 143 miyon dollar na luga di e 1 biyon florin anteriormente reporta. E declaracion aki a ser duna pa corte di apelacion y ta trata varios aspecto, incluyendo donacion, pago na empleadonan ficticio y gastonan relaciona cu un avion priva. Ademas, corte a bisa cu Ansary su inversion di 11 miyon dollar den un compania Mericano inhustifica mirando e estatura di Ennia.
Sinembargo, ta esencial pa nota cu e caso aki no ta cerca di ta cla. Corte su decision ta trata solamente un porcion di Ennia su acusacionnan, cu necesidad di mas investigacion pa por yega un veredicto final. Como proximo paso, e partidonan mester nomina un experto cu lo evalua e balor di Mullet Bay na Sint Maarten. Eevaluacion aki ta hunga un rol sumamente importante den corte su evaluacion si Ennia tabata posee suficiente bienes pa por hustifica e ganashi substancial cua distribui na su shareholder, Parman International.
Esaki ta aplica tambe na e compensacion ricibi pa e compania su comisarionan, conhuntamente cu nan gastonan di acomodacion y biahe. E determinacion di Mullet Bay su balor ta permanece integro pa e evaluacion aki.
Hushang Ansary, ta enfrentando acusacionnan serio di mal conducta financiero, entre otro. Ennia, cual ta bao e supervision di Banco Central di Corsou y Sint Maarten desde aña 2018, a acusa cu Ansar y su asociadonan a participa den un maneho iresponsabel di e compania. A acusa tambe cu nan a usa recursonan financiero y a expone e compania na riesgonan innecesario, resultado den daño significante na e interes di e personanan sigura, segun Banco Central.
