Director di seguro general (AZV), Anko Ringeling a declara na salida di e reunion di consulta cerca gobernacion cu su decision di no sigui mas den e funcion aki. El a bisa cu su renuncia tabata un decision cu el a tuma prome cu eleccion.
Ademas el a informa cu e gasto di cuido ta keda crece aunke den e añanan cu a transcuri nan tabatin basta control riba e crecemento. Pero pa e añanan venidero e ta premira cu considerando cu tin iniciativanan nobo, entre otro renobacion di hospital, Imsan y su centro di radioterapia cu ta bay pone cu e crecemento lo ta mas halto cu e añanan cu a transcuri.
Esaki ta nifica, segun sr. Ringeling, cu un di e fuentenan cu ta financia AZV mester wordo adapta. Pues e ta premira cu e adaptacion aki tin di haber cu e prima of e contribucion di gobierno mes. E ta haya cu esaki ta un di e aspectonan cu e gobierno nobo ora cu ta sinta tin cu dicidi riba nan.
