Actualmente ta casi tur siman bo ta mira un cacho of pushi morto benta riba caminda pa motibo cu auto a dal nan. Bon Dia a bay papia cu un representante di Animal Shelter Aruba pa mira kico ta nan opinion tocante esaki y con por bin na un solucion pa rebaha e cantidad di bestia morto riba caminda.
”E idea di mas importante pa minimalisa un problema ta e conscientisacion y realisacion cu nos tur ta carga un responsabilidad. Si bo ta un chauffeur, logicamente si bo ta core cu un velocidad halto, kico cu pasa bo dilanti bo lo dal e. Tambe, na otro banda si bo ta un doño di un bestia, ta extremamente esencial pa bo purba di mantene paden di bo cura” , Representante di Animal Shelter ta splica.
Segun e Representante di Animal Shelter ta splica Bon Dia, e ”Ley Di Cacho” ta bay tuma su tempo pa e bira efectivo pa motibo cu mester tin un ”back up plan” en caso hende no reacciona pa mira kico mas lo por haci. E comision tey, tur cos ta den ordo caba, pero ainda falta pa analisa locual ta e siguiente pasonan cu mester tuma luga.
Keda pendiente cu Bon Dia pa mas informe
