E actriz di “Maleficent” a admiti cu e no sa si e ta feliz, ya cu e tabata asina concentra riba cura su famia, despues di su separacion cu Brad Pitt na 2016, cu e no tabata tin tempo ainda pa traha riba su mesun felicidad.
Ora e la wordo puntra si e tabata feliz. Angelina a bisa: “Mi no sa. E ultimo añanan tabata bastante duro. Mi a concentra den cura nos famia. Cual ta regresando lentamente, como e ijs dirtiendo y e sanger regresando mi curpa. Pero mi no ta ki nan, ainda mi no a yega, pero mi ta spera cu mi logra. Mi ta planeando esey.”
Desde cu e la separa di Brad, Angelina a muda na e antiguo propiedad di Cecil B DeMille, unda e la eligi pa biba pasobra e propiedad ta solamente “5 minuut di distancia” di Brad, es decir di su yiunan: Maddox, 19, Pax, 17, Zahara, 16 , Shiloh, 14, y e morochonan Vivienne y Knox, 12 – pa por ta cerca di ambos mayornan.
E la bisa cu e mudansa: “Mi tabata kier pa nan ta cerca di nan tata, cu ta solamente 5 minuut di distancia. Mi a sinti un tiki di presion ora di a muda. Loke mas mi ta gusta ta cu no tin sala di entretenimento, sino hopi camindanan y luganan pa cana y pensa. Mi ta sinti hopi fortuna di tene esaki den e momento nan aki.”
Y aunke e ta posibel cu ainda mi no a haya felicidad berdadero, e actriz di 45 aña a bisa cu ta prefera hopi e bida awo cu e ta mayor.
E la bisa na e entrevista Britanico di Vogue: “Mi gusta ta mayor, mi ta sinti hopi mas comodo na e cuarentena cu ora mi tabata jong. Talbes pasobra… mi no sa… talbes pasobra mi mama no a biba mucho, asina ta cu tin algo den e edad cu ta sinti manera un victoria den luga di un tristeza pa mi.”
