(AP) – Angelina Jolie y e agencia di refugiado di Nacionnan Uni lo separa despues di mas di 2 decada. Den un declaracion conhunto publica diabierna, e actriz di Merca y e agencia a anuncia cu e lo “sigui bay dilanti” for di su rol como enviado special pa “enfoca riba un set mas aplio di problemanan humanitario y di derechonan humano.”
“Mi lo sigui haci tur loke ta den mi poder pa e añanan binidero pa brinda sosten na e otro personanan cu tin mester,” Jolie a ser cita den e declaracion, agregando cu e tabata sinti cu a bira tempo “pa traha di manera diferente” pa medio di diretamente traha cu e refugiadonan y e organisacionnan local.
Jolie a cuminsa traha cu e agencia di refugiado di U.N den aña 2001 y a ser nombra como su enviado special den aña 2012. E relato a describi e relacion como “ehecuta mas di 60 mision riba e veld pa mira storianan di sufrimento pero tambe di resiliencia.”
“Despues di un tempo largo y exitoso cu UNHCR, mi ta aprecia su deseo di cambia su trabao y ta sosten su decision,” Halto Comisario di U.N a declara.
