(AP) — Anfitrion Alemania a duna apertura na e Campeonato Europeo cu un victoria 5-1 contra Escocia, cu tabatin 10 hungador, ayera diabierna.
Golnan di Florian Wirtz y Jamal Musiala tabatin Alemania firmemente na control dentro di 20 minuut, y e duo – ambos di 21 aña di edad – tambe a bira e dos anotador mas jong den historia di Euro.
E prome mita a caba den e pio forma posible pa Escocia ora defensa Ryan Porteous a wordo saca y Kai Havertz a converti e penalty cu a resulta di esaki.
Substituto Niclas Fullkrug a bin for di benchi pa anota e di cuatro gol pa Alemania den minuut 68, y Emre Can a anota den tempo extra mientras e anfitrionnan a registra nan margen mas grandi di victoria den un Campeonato Europeo.
Escocia, cu no a haya un chens pa anota henter e partido, a logra duna su fanaticonan algo pa aplaudi algun momento prome ora e bala a ser manda den e net for di defensa Antonio Rudiger pa un auto-gol.
E banda di Steve Clarke ta bay tin cu hunga miho contra Hungria y Suisa si kier sali di Grupo A y alcansa e etapa di knockout pa prome biaha.
Alemania, empata cu Spaña, ta luchando pa kibra record cu un di cuatro titulo di Campeonato Europeo.
Sostenedornan di Escocia, e Tartan Army, tabata den nan miles na Munich y a cuminsa e partido den bon animo, pero e fanaticonan bishitante rapidamente a keda keto ora Wirtz a anota den minuut 10.
Toni Kroos a scoge Joshua Kimmich cu un pase briyante y el a mand’e pa Wirtz lansa den gol. Portero di Escocia, Angus Gunn a toca e bala cu su man, pero a logra apenas push’e contra e post y e bala a lora over e linea.
Wirtz a bira e anotador di gol den Euro di mas jong pa Alemania. Musiala, 67 dia mas bieu cu Wirtz, a duplica e score di Alemania nuebe minuut despues.
İlkay Gündoğan a lora e bala pa Havertz, kende a core cune den area di penalty y a want’e prome cu a ubica Musiala den centro di e box, unda e centrocampista a mand’e den gol.
Net pa mita tempo, Gunn apenas a stop un cabezazo di Gundogan, pero net ora e capitan tabata mustra cla pa remata e rebound, el a haya su mes tira abao pa un entrada di Porteous.
Despues di revisa e incidente riba e monitor banda di e cancha, Clement Turpin a mustra Porteous un carchi cora mesora y a otorga Alemania un penalty, cual Havertz a converti.
Escocia a logra limita e daño na comienso di segundo mita, pero atrobe a keda deshaci ora un intento di itnercambio entre Musiala y Gundogan a pasa pa Fullkrug. E substituto, kende a subi e cancha apenas cinco minuut prome, a lansa un rayo den e skina ariba banda drechi.
Alemania a haya otro gol descualifica prome cu Escocia a anota un consolacion laat ora e cabesaso di Kieran McKenna for di un tiro liber a dal riba Rudiger.
Can, kende a bin den e team apenas dos dia pasa como un reeplaso laat pa Aleksandar Pavlovic, kende a bira malo, a anota e di cinco gol pa Alemania den tempo extra.
