Durante un conferencia di prensa di Gobierno di Aruba e dia di ayera den oranan di atardi na unda prome minister Evelyn Wever-Croes y su ministernan a entrega nan retiro, esaki a trece basta reaccion incluyendo di e mesun politiconan cu te ayera tabata forma parti di partido POR.
Pa cu esaki Andin Bikker ken igualmente cu e otro ministernan, el a entrega su funcion den cartera di Husticia y a wordo treci dilanti con su persona cu tabata fungi como un di e fundado di e partido aki no tabatin conocemento di loke tabata sosodiendo den su mesun partido.
El a contesta cu e investigacion di loke nan por a compronde ta regarda un fundacion cu ta wordo maneha na nivel di parlamento, esey ta nifica cu nan no tabata den e bestuur cu e partido aki tin y for di eynan e investigacion a bin, “esaki no ta cos cu nos tabatin bista riba dje”, el a sigura.
