“Pa medio di e comunicado aki mi kier a expresa di ta hopi sorprendí di e articulo den 24ora.com referente e investigacion yama Portulaca,” ex-minister Andin Bikker a expresa.
“Mi persona nunca a yega di firma permiso pa peticion di e ley di Admision (LTU), Dimas semper tabatin mandato pa esaki via e sistema di aplicacion automatisa SIRSA y tabata opera segun e maneho publica riba su website,” e ex-mandatario a expresa.
Ademas, el a agrega: “Mi no sa detayes di e investigacion, en todo caso mi ta na ordo di Ministerio Publico si mester cualkier clarificacion. Mi a sacrifica pa sirbi mi pais pa medio di un trayectoria politico di mas cu 20 aña cu honor y frenta na halto.”
