Na Aruba e cantidad di facilidad mane Lago Heights Naked park como tambe Parke Jaburibari miho conoci como Parke Curason ta hopi limita. Awendia nos por wak cu desde oranan tempran di mainta e luganan aki ta wordo frecuenta door di usarionan cu ta desea di move y mantene un curpa sano. Apesar di tur esaki e usuarionan ta haya nan mes confronta cu diferente obstaculo of falta di mantencion. Recientemente por a mira con e diferente machinan a haya un man di verf nobo, pero asina mes e frusto y unda tin daño ta keda visibel y por forma un peliger pa e usuario. Ademas por wak con e yerba a crece te cu ta stroba usuarionan di cana trankilo paso por tin cualkier bestia indesea presente. Mester pensa na entre otro un Lisimbein (duizendpoot) of un scorpion y asina tin hopi mas cu por menciona.
Pesey mes como miembro di e comunidad di San Nicolaas mi kier a urgi nos minister di deporte y salubridad su Excelencia Dangui Oduber pa tuma cuenta cu esaki, y sigur lo ta na su luga pa instrui e departamento concerni pa bin hasi mantencion di e parke bunita aki cu ta situa na San Nicolaas. Sin lubida cu e parke aki ta keda riba e caminda unda diariamente nos bishitante ta pasa banda di dje y admira esaki.
E luga aki a wordo crea pa nos comunidad di San Nicolaas pa hasi movecion riba dje pa asina hiba un bida saludabel…
