(NLTimes) – Aña pasa a aresta 137 ciudadano Hulandes pasobra nan tabata acusa di ta involucra den incidentenan di hortamento den cual a detona explosivo pa habri un ATM, segun polis Hulandes a bisa diasabra. Mayoria di e atake riba ATM relaciona na e arestonan a tuma lugar na Alemania, unda sospechosonan Hulandes a rementa mashin di placa 367 biaha aña pasa.
En comparacion, tabatin ocho hortamento asina na Hulanda aña pasa. E hortamento explosivo tabata mas comun na Hulanda te cu autoridadnan di banco a implementa varios medida cu a corta acceso na varios ATM durante anochi laat y oranan di marduga. “Definitivamente a bira un producto di exportacion,” un vocero a bisa.
Tur 137 sospechoso Hulandes aresta tabata acusa di ta involucra den al menos un incidente na Alemania.
Vocero di polis a bisa cu e sospechosonan Hulandes por tabata activo tambe na otro pais.
Hopi gang terorista Hulandes ta mudando na Alemania, pasobra medida na Hulanda a reduci e chens di un atake exitoso. Por ehempel biyetenan horta den e incidentenan aki hopi biaha ta inusuable pasobra nan ta pega cu lijm automaticamente despues di un explosion.
E cantidad di atake explosivo involucrando Hulandes na Alemania a reduci aña pasa pa prome biaha den añas. Mientras cu esaki a sucede 442 biaha durante e aña record di 2022, tabatin 367 caso aña pasa. Segun polis, e reduccion ta parce di continua.
