Un grupo di 16 persona kende a ser permiti pa e transicion di un sexo diferente prome cu 2014 cu e condicion cu nan ta acepta pa wordo sterilisa ta exigiendo un disculpa publicamente y un compensacion di e estado.
Cu e apoyo di e oficina di derechonan di hende muhe bureau Clara Wichmann y e Transgenero Netwerk Nederland e grupo a skirbi un carta pa e minister di husticia Sander Dekker splicando nan caso.
“ Hendenan mester sa cu esaki a sosode y no mester a sosode mes”. E vocero di e grupo Willemijn van Kempen a bisa Volkskrant. Van Kemp a haci e transicion na 1998 y e ley a ser modifica na 2014 pa finalisa e sterilisacion obligatorio, na raiz di un informe critico di Human Rights Watch. El a bisa cu e ta representa “cientos di personanan, incluyendo esunnan cu no a haci e transicion pa motibo cu nan kier tin yiu”.
Van Kempen su mes a pidi pa cu material genetico wordo warda, pa asina e por bira un mama den algun momento, pero el a wordo rechasa pa motibo supuestamente mina su deseo di bira muhe. Mas o menos 500 persona pa aña ta cambia di genero na Hulanda. Actualmente un ley nobo ta ser prepara cu lo facilita e aspecto administrativo di e cambio di genero.
