(NLTimes)—Aña pasa tabatin menos infeccion di HIV cu a ser reporta na Amsterdam. A base di cifranan for di Aidsfonds-Soa Aids Nederland, a calcula cu na 2022, solamente nuebe hende a contrata HIV, compara cu 66 infeccion na 2021.
Mark Vermeulen, ken ta e director di e fundacion, a yama e caida “un momento historico.” Desde 2010, Amsterdam a mira un reduccion di 95% den casonan di HIV. E ciudad a logra yega na e meta di 2030 di Nacionnan Uni pa combati AIDS.
E droga preventivo pa HIV, PrEP, ta birando mas acepta na Amsterdam. Esaki ta un pildo cu droganan antiretroviral cu ta preveni un infeccion di HIV. E pildo aki ta diseña pa hendenan cu no tin HIV pero si ta na riesgo di esaki.
E aña aki, e municipio di Amsterdam a aloca mas fondo pa aumenta e accesibilidad di e medicamento. Medicamentonan tambe ta disponibel pa mantene e salud di esnan infecta y preveni e transmision di e virus.
“Amsterdam ta mustra cu ta posibel pa stop HIV y AIDS,” Vermeulen a remarca. El a atribui e reduccion aki na e esfuersonan colaborativo di varios organisacion, cientifico, dokter y individualnan infecta.
Mientras un caida den infeccionnan di HIV a ser observa den henter Hulanda, cifranan nacional pa e ultimo aña cu a pasa lo ser publica den e proximo lunanan. Ta anticipa cu e cifranan aki tambe lo demostra un caida.
Sinembargo, e situacion na Hulanda ta un pinta un pintura hopi diferente compara cu e trend global. Mas cu 40 pais a reporta un aumento den casonan di HIV aña pasa. Un minimo di 630.000 individual globalmente a fayece pa via di complicacionnan relata cu AIDS.
