(NLTimes)—Amsterdam a revela su Presupuesto Plan di Arte nobo cu ta describi su vision y metanan pa arte y cultura den e ciudad pa e proximo cuatro aña. E alcalde di e ciudad y e coalicion di Consehal a presenta e plan diaranson. Un suma di 152 miyon euro ta bay ser poni na banda pa e plan aki.

E Plan di Arte ta un programa di subsidio di cuatro aña, den cual e municipio di Amsterdam ta provee sosten y promove e sector cultural den e ciudad. E plan ta provee liña di guia y criterio pa aproba subsidio pa institucionnan cultural, proyectonan y artistanan.

E plan nobo aki ta bisa cu e ciudad ta bay puntra institucionnan cultural pa crea metanan concreto relata na inclusion, diversidad y accesibilidad fisico den e sector di cultura. “Culture coaches” tabata ta bay ta un componente permanente den e strategia aki. Un estudio piloto a mustra cu e profesionalnan aki ta exitoso den aumento interes di muchanan den arte y cultura, particularmente esnan cu no a experencia esaki mucho na cas.

Tambe ta bay pone mas enfasis riba e provision di espacionan barata diseña pa arte y cultura, como tambe e expansion di luganan cu ta atende na e escena di cultura den oranan di anochi.

“Cu e plannan aki, e sector por sigui atrae publico, talento y personal,” segun Alcalde Touria Meliani, ken ta responsabel pa Arte y Cultura den e ciudad. El a subraya e balor economico significante di e sector di cultura pa e ciudad, como cu aproximadamente 10% di Amsterdam su empleado ta bin for di industrianan creativo.

E obhetivo di e plan nobo aki ta pa fortalece e sector cultural y haci esaki mas accesibel, cual por resona cu un spectrum mas grandi di residentenan di Amsterdam. “E ciudad por ta orguyoso di un sector maraviyoso cu for di mainta trempan te anochi laat por enrikece Amsterdam cu storia y perspectiva nobo. Un sector cu ta dinamico y cu ta lidera, pa Amsterdam y mas aya. Nos kier mantene esaki asina,” Alcalde Touria Meliani a skirbi.

Ademas di e presupuesto diseña pa e Plan di Arte, tambe ta bay aloca 5.3 miyon euro pa un plan di sosten nobo cu ta diseña pa fortalece e sector di cultura den e proximo dos aña como un contesta pa e retonan di inflacion halto, crisis di energia, un mercado di labor limite y e efectonan di e crisis di coronavirus.