(NLTimes) – Municipalidad di Amsterdam a prohibi 165 doño di negoshi den centro di Amsterdam di usa nan tienda como uno pa turista, sex of smartshop. Tambe ta bay prohibi doñonan di habri establecimentonan di catering den e tiendanan. E municipalidad kier preveni cu ta plama un mono-cultura den centro di e ciudad.
E negoshinan afecta tur ta actualmente bashi of ta sirbi un funcion cu ta permiti bao e politica nobo. “Pa motibo di e politica aki, e oferta pa turista den e area ta bay keda reduci y haci e centro mas atractivo pa Amsterdammers (localnan). Amsterdam mester ta prome cu tur cos un ciudad den cual por biba, y secundario un ciudad pa bishita”, consejal di Economia, Victor Everhardt a bisa.
Na luga di negoshinan cu ta atrae turista, ta bay habri negoshinan cu ta sirbi un audiencia mas amplio, manera tienda di paña of buki, gym, of salon di beyesa.
Raad van State na 2020 a conclui cu e municipalidad ta permiti pa prohibi cierto tienda den e centro. Everhardt a bisa cu e municipalidad tambe ta recaudando un fondo di dies miyon euro pa cumpra tiendanan den e centro.
“Nos ta tumando un stap den e direccion corecto”, alcalde di Amsterdam, Femke Halsema a bisa. “Un variedad di tienda ta contribui na un centro atractivo pa residentenan. Nos no t’ey ainda, pero e municipalidad ta persevera y ta tuma oportunidadnan ora esakinan ta presenta.”
