Gabinete tin planea pa haci nan propio reforma fiscal, caminda 1.3 miyon persona no lo mester paga mas riba e placa cu nan a spaar y 500 mil lo haya cobransa mas abou. Minister di Belasting, Menno Snel a bisa na april cu gabinete tabata buscando manera pa baha e cantidad di belasting cu hende cu placa na banco ta paga.
Actualmente gobierno ta uza ‘tarifanan interes ficticio’ di 2% bay ariba pa dicidi con hopi entrada hende tin di nan propiedadnan, y belasting riba 30% di propiedad riba 30.360 Euro (dobel pa pareha). Pero, na e momentonan aki, mayoria cuenta tin tarifa di interes rond di cero y hende ta pagando belasting riba entrada cu nan no a haya. Bou di e sistema nobo, cu lo drenta na vigor na 2022, propiedadnan lo ta parti den tres categoria: savings, inversion y debe.
Savings riba 30.630 Euro lo mester paga belasting, siguiente e liña di tarifanan actual di interes, na luga di esunnan ficticio. Segun calculacionnan preliminar y e tarifanan actual di poco interes, e cambio ta nifica cu savings te cu 440 mil Euro lo ta virtualmente liber di belasting, asina Snel a duna di conoce. Na mesun momento, hende cu a fia placa pa inverti den propiedad, por ehempel, no lo por trek esaki af mas di nan declaracion pa asina baha nan cobransa di belasting. E plannan aki ainda no ta cla den tur detaye.
