Hulanda mester di dobel e suma di cama pa casnan di anciano cu den actualidad pa 2040, esaki ta segun e rapport di e instituto di investigacion TNO. E instituto ta spera 261.000 cama lo tin mester den 20 aña di tempo, cual ta casi dobel di e total actual, y cu 41.000 luga adicional tambe ta rekeri un actualisacion pa e tempo ey.
E number di personanan mayor di 80 aña di edad ta aumentando y e expertonan ya a adverti cu e gobierno no ta haciendo suficiente pa sigura cu e personanan cu tin mester di cuido lo ser atendi. E scarsedad di personal tambe ta probablemente un problema cu ata aumentando, TNO a bisa. E matutino ta bisa cu e inmobilario Hulandes y stranhero ta invertiendo den viviendanan enfoca pa personanan di edad, pero no den forma di residencia residencial.
Esaki ta locual e matutino Financieele Dagblad a bisa, esaki ta pa motibo cu e empresanan cu ta opera riba mercado di atencion 24 ora no por obtene ganashi. E gobierno tambe ta plania pa introduci limitenan riba ganashi den sector di enfermeria na domicilio.
