Casi 3% di personanan na Hulanda por a desaroya anticurpa contra coronavirus, locual ta indica cu nan tin cierto inmunidad contra COVID-19, esaki ta locual RIVM a bisa diahuebs.
E operador d e banco di sanger Sanquin a yega na e cifra despues di a studia mustra nan di sanger y plasma di alrededor di 7 mil donante di entre 18 y 69 aña di edad, durante un periodo di un siman. Si e cifra di 3% ta refleha den e poblacion general, hasta mey miyon persona por a desaroya anticurpa pa e virus.
Jaap van Dissel, hefe di control di enfemedadnan infeccioso di RIVM, a enfatisa c e presencia di anti curpanan no ta garantisa cu e persona ta immuun. E investigacion tocante e inmunidad ta den curso y aun no a publica esaki, e parlamentarionan a bisa durante e sesion tecnica semanal. E expertonan a bisa cu alrededor di 60% di e poblacion mester ta immuun di e virus pa garantisa un nivel suficiente di proteccion.
Van Dissel a bisa tambe cu ainda tin preocupacionnan tocante di e plamamento di e virus den hogarnan di anciano, na unda un scarsedad di ekipo di proteccion y e personal ta luchando a cumpli cu e normanan stricto di higiena. Ta estima cu e virus a infiltra alrededor di 900 di e 2500 residencia di e pais.
Nienke Nieuwenhuizen, presidente di Verenso, e organismo profesional pa e atencion geriatrico a multiplica pa cinco den e ultimo simannan. “ Ta casi inevitabel cu e personanan den hogarnan di anciano ta wordo expone na e virus cu ta plamando rond Hulanda” , el a bisa. ‘ Pa identifica e enfermedad den e grupo altamente vunerable ta hopi complica. E personanan mayor di edad vurnerable semper ta bisa si nan tin dolor di cabes o dolor di garganta y no semper tin kentura. Mester ta hopi lihe cu e virus aki y esaki ta dificil cu e personanan vurnerable den hogarnan di anciano”.
Van Dissel a bisa cu e expertonan ta cuminsa considera e strategia di salidad di e blokeo cu por inclui pa permiti cu e provincianan den Norte na unda e tasa di infeccion ta hopi mas abou y bou control, lo alivia nan restriccionnan mas lihe. Hulanda lo ta studiando otro paisnan cu ta cuminsa Sali di e blokeo den e proximo simannan pa wak si e virus lo cuminsa plama di nobo. Noruega ya a cuminsa habri crèchenan y scolnan primario.
Esaki ta duna nos un poco tempo pa wak cual ta e efecto prome cu nos tuma un decision, Van Dissel a bisa. E gobierno mester finalisa su plannan pa e proximo etapa di cierre diamars awo, un siman prome cu e fecha final pa e medidanan actual 28 di april.
