Tin mester 400 cama mas di cuido intensivo permanente pa atende cu pashentnan di covid-19 te cu tin un vacuna disponible, esaki segun e calculacionnan haci pa analistanan medico. Expertonan ta estima cu 37,500 persona lo mester di tratamento di cuido intensivo despues di haya coronavirus pa e proximo 3 aña, e tempo cu probablemente lo tuma pa desaroya y aproba un vacuna.
E inmunidad colectivo por protege e poblacion den ausencia di un vacuna, pero no te cu 60% di e poblacion a ser infecta. Alrededor di0,45% di tur persona cu ta haya e virus ta termina den cuido intensivo.
E asociacion nacional di cuido intensivo(NVIC, e Centro Nacional di Coordinacion pa e distribucion di pashent LCPS y e agencia di salud publico RIVM a bisa den un rapport cu mester 1,531 cama si e 37500 caso grave ta ser distribui igual durante e tres añanan.
E capacidad actual ta di 1150 aunke esaki a ser aumenta temporalmente na 2400 pa enfrenta cu olanan inicial di infeccionnan pa coronavirus. E peak di e infeccion na comienso di april, mas di 1400 cama di cuido intensivo tabata ocupa pa pashentnan di covid-19.
