(NLTimes) – Cuminsando dia 1 di januari 2025, vehiculonan di compania y trucknan cu motor di combustibel lo ser prohibi for di e centro di e ciudad na Amsterdam. E ciudad lo implementa un zona liber di emision pa e vehiculonan comercial aki. Amsterdam tambe lo haci mas estricto e zona ambiental dentro di A10, cual ta prohibi mayoria di vehiculo diesel.
Varios areglo transicional y excepcion lo aplica den e añanan biinidero pa duna e negociantenan tempo pa por cambia na transport mas limpi.
Mehora calidad di aire ta di importancia vital, consejal Melanie van der Horst a bisa. “residentenan di Amsterdam awo ta biba 11 luna menos a causa di aire sushi. Y tur aña, mal calidad di aire ta causa cu centenares di mucha na Amsterdam ta desaroya asthma.”
E ciudad, pa e motibo aki, ta comprometi na aire mas limpi. Sinembargo tambe kier sigura cu e negociantenan por cambia na transport liber di emision na un manera posibel. “Varios negociante ya caba a tuma pasonan grandi, sinembargo nos ta mira cu negoshinan chikito, en particular, tin mas dificultad. Esaki ta e motibo dicon nos a haci areglonan di transicion y excepcionnan por ser pidi si e companianan financieramente te ainda no por haci e cambio.”
Amserdam inicialmente tabatin plan pa e zona liber di emision cubri henter e circulo A10, sinembargo “pa motibo cu te ainda no a establece señalnan di trafico adecua den parlamento,” e zona liber di emision lo afecta solamente S100. Henter e circulo di A10 lo ser cubri den aña 2028. Te cu e tempo aki, e zona existente dentro di a10 lo bira estricto pa vehiculonan diesel, permitiendo vehiculonan di emision clase 5 of mas halto so cuminsando dia 1 di januari 2025.
