(NLTimes) – Cuminsando den april, personanan cu ingreso mas abao lo por ricibi un ticket gratis pa usa den e sistema di transport publico na Amsterdam. E region di transporte tin speransa di por compensa “e personanan cu tin necesidad di esaki desesperadamente” pa causa di e averahenan mas halto den transport publico.
Transport publico su tarifa regional lo aumenta drasticamente proximo aña, cu un averahe di 7.24 porciento. E prijsnan mas halto ta parcialmente causa pa costonan di energia mas halto y e inflacion. E ticketnan disponibel gratis ta esunnan cu bo por usa pa biaha libremente pa un ora y mey den tur bus, tram y metro den e area di Amsterdam. Desde april, cualkier persona cu no tin mas di 130 porciento di e ingreso minimo por aplica pa e ticket via un sitio web.
Te cu 8 ticket por ser pidi pa cada adres, segun e region di transporte. Esaki ta suficiente pa yega na cualkier y tur destino dentro di e region aki, y bolbe back na e punto di origen pa un famia averahe, segun Vervoerregio Amsterdam.
A calcula cu mas di 95,000 vivienda lo ricibi sosten cu e accion aki, segun Amsterdam su alcalde pa politica di transporte, Melanie van der Horst. “Claramente e lo ta bon si tur pasahero por ser compensa. Por ehempel, pa medio di deshaci di ticket VAT. Nos ta pidi Gabinete pa traha riba esaki.
