(NLTimes)—Amsterdam kier pa e ciudad districto di Amsterdam-Oost participa den e experimento nacional pa regula cadena di suministracion di cannabis pa coffeeshops, segun e municipio a anuncia ayera.
E proyecto nacional ta diseña pa evalua e practicabilidad di legalisa e produccion, distribucion y benta di cannabis. Aunke Hulanda ta tolera e benta di cannabis den coffeeshop, su produccion y suministracion ainda ta considera ilegal. E supuesto “politica di tolerancia” ta resulta den coffeeshop cumprando cannabis via fuentenan ilegal, cual ta un situacion cu ta trece cune consecuencianan pa crimen, seguridad y salud publico.
Durante e prueba, coffeeshops ta bay bende cannabis regula y controla, produci pa cultivadonan selecta. E experimento lo mester cuminda den e prome kwartaal di 2024 y lo core pa 4 pa 5.5 aña.
E alcalde di Amsterdam y e coalicion di consehal ta argumenta cu e ta importante pa e ciudad sea inclui den e experimento, como cu “e resultado di e experimento por resulta den cambionan di e politica di tolerancia, cual por afecta e coffeeshops y mercado di cannabis na Amsterdam.” Mas despues den aña, e municipio tin plan pa cuminsa discusionnan cu e coffeeshops localisa na Amsterdam-Oost tocante e futuro di e proceso.
Amsterdam a expresa interes den pasado pa participa den e prueba, pero ta parce cu esaki ta imposibel pa via di e cantidad halto di coffeeshops den e ciudad (166). E Gabinete recien a dicidi pa permiti e districtonan di ciudad participa. Cu mas cu 100.000 habitante y 10 coffeeshop, awo Amsterdam-Oost ta cumpli cu rekisito pa por participa den e experimento.
E ministernan di Husticia y Seguridad, y di Salud, Bienestar y Deporte lo mester dicidi di e districto di Amsterdam-Oost por ser inclui den e experimento. E otro municipionan tambe ta bay participa den e prueba. Esakinan ta inclui Groningen, Almere, Arnhem, Nijmegen, Zaanstad, Hellevoetsluis, Breda, Tilburg, Maastricht and Heerlen.
Politiconan nacional a discuti un experimento di cannabis regula pa mas cu 10 aña caba. E proyecto nacional a enfrenta varios retraso durante e añanan despues di a garna un apoyo mayoria den Parlamento na 2016. Prome, e proyecto di prueba mester a cuminsa na 2021, pero esaki a ser posponi varios biaha.
Minister di Salud Ernst Kuipers a atribui esaki na e complehidadnan di e regulacion, pero tambe a subraya e necesidad pa diversidad den e tipo di cannabis cu ta suministra pa coffeeshops. Tambe el a nota e importancia di mantene calidad halto constantemente y sigura un suministro stabiel.
