Na Vondelpark situa na Amsterdam ta e hogar di un especie di maribomba te cu awo ta uno desconoci, y cu awo ta hiba su nomber, Parool a raporta. E Aphaereta vondelparkensis ta un tipo di maribomba parasitoid, el a ser descubri aña pasa na Koeienweide, un area chikito di yerba di e parke , pa un ekipo di cientificonan y investigadonan local.
El a ser gara den un trampa cu ta consisti di galiña putri cual a ser dera bou di e suela. E proyecto di cinco dia a ser establece pa Taxon Expeditions, cu a organisa biahe di investigacion a tur skina di mundo. E fundado di e compania Menno Schilthuizen a eligi e luga pa explora cu con biodiversidad por ta un luga memey di un ciudad druk segun e matutino. Ademas di e presencia inespera di e maribomba, e hallazgonan y e ekipo tambe tabata espectacular den otro formanan, e matutino a bisa e ecologo di e ciudad Remco Daalder
‘ Den solamente cinco dia nos a haya mas di cien moths, 85 especie di beetle, 21 especie di haraña y slak. Esaki ta demostra cu e idea di bioversidad den un solamente poco hectar na un ciudad por ta enorme”. Daalder a bisa cu Schilthuizen a amplia e idea di bioversidad”. Ora nos bisa biodiversidad nos ta generalmente pensa riba coneu y parha. Pero Schilthuizen ta wak e suela y esaki ta contene un gran cantidad di especie. Nos ta papia cune tocante explora otro parkenan pa asina wak ki sorto di criaturanan nos por haya eynan”.
