Un homber di nacionalidad Hulandes, kende a ser aresta na Cairo pa uza un drone pa film Tahrir square, a keda den libertad, segun Ministerio di Asuntonan Exterior Hulandes a confirma.
Pieter Bas Habes, un homber di 43 aña di edad, for di Amsterdam, a ricibi orden pa bandona Egipto mas pronto cu ta posibel. El a keda aresta dia 22 di september ultimo, despues di a bula un drone riba e square.
Segun autoridadnan Egipcio, el a filma protesta contra e regimen. Algun otro turista stranhero tambe a keda aresta bou cargonan similar.
Un stacion di television Egipcio a transmiti un entrevista cu Habes, den cual el a bisa cu el a bula su drone for di terasa riba dak di su hotel. El a wordo mira pa staf di e hotel y despues Polis a arest’e na su hotel.
Habes tabata riba un tour di Africa riba motocicleta ora el a keda aresta. Su famia a reporta cu e tabata desapareci despues di no a tende di dje pa varios dia.
