Handgranaat ta convertiendo den un forma cada biaha mas popular di emiti advertencianan o chantahe relaciona cu gangnan y e cantidad di incidentenan relaciona cu explosivonan aki a aumenta den e ultimo dos añanan. E emisora RTL Nieuws a informa diamars cu a registra 23 incidente relaciona cu handgranaat den e prome cuater lunanan di e aña, den comparacion cu 42 na 2018 en general y solamente un man yen di casonan den añanan anterior.
En total, investigadonan di Universidad di Leiden a registra 117 caso durante e ultimo 11 añanan, cual un di tres parti a tuma luga na Amsterdam. E mayoria di e casonan di handgranaat a ser laga pafo di cafeteria, club, tienda of cas priva, of ta na e man di porta.
Den 21 caso e personanan a wordo ataca directamente of menasa cu un handgranaat, locual a resulta den nuebe persona herida cu heridonan grave. Huesnan di e capital Hulandes a bisa na principio di e luna aki cu e personanan condena pa delitonan relaciona cu explosivo lo haya castigonan mas severo.
