Tin un aumento di 14% den e number di incidentenan relaciona cu armanan di candela na Hulanda aña pasa, a pesar di e esfuerso pa tuma medida contra comercio ilegal di arma, segun e cifranan nobo di polis y di departamento di Ministerio Publico Hulandes.
Den total, polis a registra 646 incidente u arma di candela aña pasa, 79 mas cu na 2018. A pesar di e aumento e number di personanan cu a muri pa un eleccion relacion cu arma di candela a baha magrinalmente, di 34 pa 31. Al menos un persona a resulta herida den otro 131 incidente.
E uso di handgranaat como advertencia tambe a aumenta, segun polis. Aña pasa, polis a registra 61 incidente cu ta involucra un tota di 82 handgranaat , den comparacion cu 43 incidente na 2018 y solamente 22 na 2017. Polis a confisca 5700 arma di candela ilegal aña pasa, casi mescos cu na 2018. “ Tin un demanda continuamente pa arma den e organisacion criminal”, e vocero policial Dick Schouten a bisa.
“ Armanan y handgranaat ta sigui yega Hulanda y e circulacion liber di e personanan y den comercio no ta haci e trabou aki mas facil”. Hulanda, a bisa cu tin un link importante den e comercio internacional di arma.
Na mes momento, Hulanda tambe mester ta stricto cu e legislacion tocante e cantidad di municionnan cu por tin e propietarionan di arma cu llicencia por tin, el a bisa. “ E municionnan legal tin biaha ta caba den e circuito criminal”, el a bisa. “ Limitando e cantidad ta hacie un poco mas dificil di haya “.
