Recientemente Ministro di Finansa, Asunto Economico y Cultura a anuncia cu den cuadro di brota global di e coronavirus (COVID-19), entrante 20 di maart 2020, lo bay regula extra productonan di necesidad temporalmente. (articulo 2 di Prijzenverordening).
E siguiente productonan lo bay wordo regula temporalmente:
| Producto | Margen mayor | Margen detal |
| Desinfectante pa uzo personal (handsanitizers, alcohol 70%, glacial, habon pa uso personal) y domestico (productonan cu ta contene chloor, Lysol, wipes) | 9% | 14% |
| Bebidanan cu ta contene elektrolyten | 9% | 14% |
| Papel di WC | 9% | 14% |
| Ekipo di proteccion (masks, gloves) | 9% | 14% |
| Bruki pa Baby | 9% | 14% |
| Dried fruit | 9% | 14% |
| Baby wipes | 9% | 14% |
| Baby pampers | 9% | 14% |
| Cornflakes plain | 9% | 14% |
| Frozen fruits | 13% | 15% |
| Frozen Chicken whole legs and Chicken wings | 13% | 15% |
E mayorista mester cuminsa calcula y adapta e prijsnan di e productonan aki cu e margennan menciona nan mes desde dia 20 di maart 2020. Igualmente e detayista (supermercadonan, minimarkets) tambe tin cu adapta nan prijsnan basa riba e margennan indica. Departamento di Asunto Economico (DEZHI) lo haci control retroactivo riba e prijsnan. Pa e motibo aki ta haci apelacion na tur mayorista cu ta ofrece e productonan aki den mercado, pa manda factura y gastonan di transporte di ultimo carga pa cu calculacion di prijs maximo pa e productonan menciona, dentro di 24 ora (conforme articulo 4 di prijzenverordening).
Por fabor manda tur documento digital na x.boekhoudt@deaci.aw. DEZHI lo cuminsa haci calculacion di prijs maximo di e productonan special aki y tambe publicacion di esakinan.
