Google a anuncia un asociacion nobo cu un sistema grandi di cuido di salud na Merca, cu tin como meta modernisa su sistema di informacion y provee herment nobo pa dokter, den e experimento mas recien di e gigante tecnologico den industria di salud.
Anuncio di su acuerdo cu e sistema di cuido Catolico, Ascension, a yega despues di un reporte den Wall Street Journal dialuna, cu Google tabatin acceso na miles di record di salud di pashent, sin conocemento di nan dokter.
Ambos compania a insisti cu nan acuerdo ta cumpli cu e ley federal di privacidad di salud. A diferencia di mayoria di data cu Google ta colecta di individuonan, data di salud ta regula estrictamente pa gobierno federal.
Google ta proveyendo servicio di cloud computing na Ascension, cu ta opera centronan di salud na 21 estado, principalmente den sur y west. Tambe ta evaluando e uzo di inteligencia artificial pa examina record di salud y haya patronchi cu Google ta bisa por yuda dokter y otro proveedornan.
Proveedornan di cuido di salud ta cada bes mas interesa den uza data pa yuda maneha cuido y tene pashentnan saludabel. Esey por nifica cosnan simpel, manera track si un persona ta busca su remedi, of algo mas compleho, manera spot un condicion medico empeorando y maneha esaki prome cu e pashent bay hospital.
Sistemanan di cuido di salud ta permiti pa comparti informacion di pashent cu partner di negoshi, tanten cu e partnernan ta bay di acuerdo pa cuida e informacion y uz’e unicamente den e forma cu tabata su intencion.
Sinembargo, algun persona ta keda cu sospecha riba e compania teniendo acceso na informacion personal sensitivo. Google, cu otro contraparte tecnologico incluyendo Facebook y Apple, ta bou microscop e ultimo par di aña tocante con nan ta uza – y tin biaha mal uza – e cantidad enorme di data di cliente cu nan ta colecta.
E preocupacion aki no a disminui mientras e companianan ta sigui pusha den mas aspecto di bida di consumidor.
Google ta pushando den e espacio di cuido di salud den lunanan recien, incluyendo e anuncio di un acuerdo pa cumpra e compania Fitbit. E compania tambe a contrata varios ehecutivo di salud, locual ta indica estrategia di data di salud den futuro.
