Amazon ayera a prohibi polis di usa su tecnologia di reconocemento di cara pa un aña, convirtiendo asina den e gigante tecnologico mas recien pa separa cumplimento di ley for di uso di sistema cu a ser critica pa identifica incorectamente hende cu cuero mas scur.
E compania basa na Seattle no a bisa pakico a tuma accion awo. Protestanan andando despues di morto di George Floyd a enfoca atencion riba inhusticia racial na Merca y con polis ta usa e tecnologia pa sigui hende.
Diamars, IBM a bisa cu lo retira di negoshi di reconocemento di cara, citando preocupacion pa con e tecnologia por ser usa pa vigilancia masivo y perfil racial.
Gruponan di derecho civil a bisa cu propio empleadonan di Amazon a pusha e compania pa stop di bende su tecnologia, yama Rekognition, na agencianan gubernamental, bisando cu por ser usa pa invadi privacidad di hende y enfoca riba minoria.
Den un blog post ayera, Amazon a bisa cu tabata spera cu Congreso lo pone na luga regulacion mas fuerte pa reconocemento di cara.
“Decision di Amazon ta un stap simbolico importante, pero realmente no ta cambia e panorama di reconocemento di cara na Merca ya cu no ta un hungado mayor”, segun Clare Garvie, un investigado na Centro di Privacidad y Tecnologia di Georgetown University. Su investigacion publico a haya unicamente dos agencia Mericano cu ta usa of test Rekognition.
Amazon a atrae atencion externo desde cu a introduci Rekognition na 2016 y a cuminsa ofrece esaki na agencianan di cumplimento di ley. Hopi agencia Mericano ta depende riba reconocemento di cara construi pa companianan cu no ta asina conoci, manera NEC basa na Tokyo of compania Europeo Idemia y Cognitec, segun Garvie.
Amazon a bisa cu lo sigui permiti organisacionnan manera Centro Internacional pa Mucha Desapareci of Explota usa e tecnologia.
