(AP) – Amazon a bay den direccion di su evento di benta anual yama Prime Day riba diamars di un manera hopi diferente compara na comienso di e pandemia.
E compania tin hopi tempo ta haci uso di e evento di dos dia aki, cual ta uno di esnan mas grandi henter aña, pa atrae persona na su miembresia Prime, pa cual Amazon recientemente a aumenta e prijs na 139 dollar pa aña, for di 119 dollar pa aña.
Amazon no ta revela e cantidad total di benta riba Prime Day, aunke agencia di investigacion Intelligence Insider ta sugeri cu benta por aumenta te cu 7.76 biyon dollar na Merca so of 16.8 porciento durante aña pasa, parcialmente pa causa di e evento su tempo di mita juli, cual compara cu ana pasa su fecha di juni, lo a permiti e compania captura mas cliente a causa di compranan Back to School.
Amazon por haci uso di un aumento mirando cu nan ta den un disminucion di benta general online. Anteriormente e gigante di e economia durante pandemia, e compania a reporta un perdida den april, ademas di e averahe mas poco poco den crecemento di ganashi den casi dos decada, na 7 porciento. Inflacion a agrega un aumento den gastonan di 2 biyon dollar.
Amazon tambe a admiti cu e tabatin demasiado empleado y ta premira cu nan exceso den capacidad ta bini di e gran expansion di warehouse durante e pandemia lo trece 10 biyon dollar den extra gasto pa e prome mita di e aña. “E ta causando dolor na e momento aki, y e dolor aki ta considerable,” Neil Saunders, e director di GlobalData Retail a comenta.
