Borat ta back. Sacha Baron Cohen a filma un secuela na su pelicula di 2006, ‘Borat! Cultural Learnings of America for Make Benefit Glorius Nation of Kazakhstan’, cu Amazon tin plan pa lansa prome cu eleccion.
E gigante di streaming a confirma diamars cu a adkeri derechonan mundial pa e pelicula. Su supuesto titulo ta: ‘Borat: Gift of Pornographic Monkey to Vice Premiere Mikhael Pence to Make Benefit Recently Diminished Nation of Kazakhstan’.
Reportenan a acumula tocante e proyecto durante berano mientras tabata filma esaki den secreto durante e pandemia. Na cuminsamento di juli, Rudy Giuliani a yama polis pa Cohen despues di un entrevista den cual Cohen a aparece como su personahe. Giuliani a bisa Page Six: “E homber aki ta bin coriendo bistiendo un paña loco, mi lo bisa un paña ros transgenero. Tabata un bikini ros.”
Na juni, Cohen tabata na un rally di ultra-derecha na Olympia, Washington, posando como un sponsor di e evento. El a dirigi e multitud den un cantica cu tension racial.
Cohen a origina e personahe di Borat Sagdiyev, un periodist Kazakh ficticio, riba su serie ‘Da Ali G Show’. E pelicula di 2006, dirigi pa Larry Charles, a genera $262 miyon mundialmente y a ser nomina pa miho guion adapta.
