(AP) – Amazon a bisa dialuna cu lo inverti 1 biyon euro den agrega miles di van electrico, truck di distancia largo y baisnan ‘cargo’ na nan red di delivery na Europa.
E inversion aki lo aumenta e cantidad di van electrico pa delivery cu e compania tin na Europa di 3,000 pa 10,000 pa aña 2025 segun e gigante basa na Seattle a bisa den un anuncio riba nan sitio web.
Cu e inversion aki, Amazon tambe ta spera di por cumpra mas cu 1,500 truck electrico, cual ta mas di 5 den e Reino Uni. Pa acomoda e vehiculonan aki, e compania a bisa cu nan lo construi centenares di ‘fast charger’ na su facilidadnan Europeo cu por charge e vehiculonan aki den mas o menos 2 ora.
“Nos red di transportacion ta un di e areanan cu mas desafio ta trece den nos negoshi pa cu nos meta di de-carbonisa y pa cumpli cu e meta di cero carbon, cual lo rekeri inversion substancial y sosteni,” Andy Jassy ken ta CEO di Amazon a bisa den un declaracion. E declaracion aki a referi na e compania su promesa di yega cero emision di carbon pa aña 2040.
Apesar di e promesa aski, e compania a bisa cu nan emision di carbon a aumenta cu 18 porciento aña pasa, causa pa e aumento den compranan online cu e pandemia di coronavirus a ocasiona.
