(AP) – Varios negoshinan tin hopi tempo ta depende riba Amazon su plataforma y servicio di delivery pa mehora nan negoshi. Awo, Amazon kier pa nan yuda cu delivery tambe.
E gigante di comercio online riba dialuna a oficialmente lansa un programa cu nan tin desde aña 2020 ta test, unda cu lo paga e doñonan di negoshinan chikito pa entrega e paketenan “durante su ultimo mianan” di e entrega te na e cliente su porta. Axios a reporta e lansamento di e programa aki.
Amazon tin hopi tempo ta traha riba busca mas manera pa entrega paketenan mas lihe y na un manera mas eficiente, incluyendo traha cu companianan di delievry, aumenta su espacio den warehouse y haci otro movidanan. E programa, yama Amazon hub Delivery, lo opera den 23 estado y enfoca riba e areanan mas aparta y ciudadnan grandi manera Seattle, New york, Los angeles, Boston y Hoboken, New Jersey.
E negoshinan chikito no mester tin experiencia den e area di delivery pa nan por aplica pa e programa aki. Sinembargo Amazon a bisa cu nan mester por haci delivery diariamente, entrega e paketenan cu empleadonan y vehiculonan existente, ricibi pakete diariamente y warda nan den un area protegi te ora cu ehecuta e delivery.
E pago exacto te ainda no a ser revela, sinembargo Amazon ta calcula cu e negoshinan chikito por gana te hasta 27,000 dollar pa aña pa medio di ehecuta e deliverynan aki. Si e compania entrega 30 pakete pa dia, loke nan lo ricibi en averahe, incluyendo weekend y dianan festivo, ta mas o menos 2.50 pa cada pakete.
Amazon a bisa cu nan ta interesa den crea partnership cu floristerianan, coffee shop, boutiquenan, stacionnan di gasolin y salonnan, pero tambe lo considera otro tipo di negoshinan.
Pa awo, e programa lo permanece uno chikito. Amazon kier partner cu 2,500 negoshi chikito pa fin di aña 2023. Tin mas di 33 miyon negoshi chikito na Merca segun Small Business Administration.
