(AP) – President Joe biden a bisa diabierna cu promesanan nobo di Amazon, Google, Neta, Microsoft y otro companianan cu ta lider desaroyo di tecnologia di inteligencia artificial pa cumpli cu un set di proteccionnan pa inteligencia artificial ta un paso importante den direccion di e maneho di e “potencial y riesgonan “enorme” cu e tecnologia ta posee.
Biden a anuncia cu su administracion a logra ricibi promesanan boluntario for di 7 compania Mericano cu tin e meta di sigura cu nan productonan di inteligencia artificial ta safe prome cu nan lansa esaki. Algun di e promesanan ta haci uso di reviso di tercer partidonan di e desaroyo di e siguiente generacion di sistema AI, aunke nan no ta detaya ken lo audit e tecnologia of mantene e companianan responsabel.
“Nos mester ta vigilante tocante e menasnana cu tecnologianan nobo por posee,” Biden a expresa, agregando cu e companianan tin “un obligacion fundamental” pa sigura cu nan productonan ta safe.
“rednan social a mustra nos e daño cu tecnologia poderoso por haci sin e proteccionnan adecua implementa,” Biden a agrega. “E promesanan aki ta un bon paso, pero nos tin hopi mas trabao pa haci.”
