(AP) — Amanda Gorman ta culiminando su aña extraordinario riba un nota di speransa. E poeta di 23 aña di edad, kende su declamacion di su propio poema ‘The Hill We Climb’ na inauguracion di presidente Joe Biden a hacie un sensacion internacional, a post un obra nobo y video acompañante ayera riba Instagram pa marca e fin di 2021.
‘New Day’s Lyric’ ta un resolucion di cinco stanza y 48 linea cu temanan di lucha y saneamento conoci pa admiradornan di ‘The Hill We Climb’ y di su coleccion best-seller, ‘Call Us What We Carry’, cu a sali na december.
“What was cursed, we will cure.
What was plagued, we will prove pure.
Where we tend to argue, we will try to agree,
Those fortunes we forswore, now the future we foresee”, ta e prome lineanan di e poema.
Poetanan inusualmente ta disfruta e sorto di atencion cu Gorman a ricibi na 2021, pero den un e-mail na AP el a reflexiona menos riba su propio exito cu riba estado di e pais. Gorman a skirbi cu e ‘caos y instabilidad’ di e ultimo aña a pone rechasa e idea di ‘bay back na normalidad’, y na lugar di esey, lucha pa ‘move mas leu’. El a menciona poema di Maya Angelou, ‘Human Family’, y a agrega: “Pa ta un famia, un pais, no ta necesario pa nos ta igual of di acuerdo riba tur cos, solo pa nos continua purba di mira lo miho den otro y bay dilanti den un futuro comparti. Sea nos gusta of no, nos ta den esaki hunto.”
Gorman a ofrece un respuesta aliterativo contestando kico a inspira ‘New Day’s Lyric’, bisando AP cu e tabata ‘kier skirbi un lyric pa honra e dificultad, dolor, speransa y saneamento di 2021 mientras tambe anuncia e potencial di 2022’.
