(DutchNews.nl) – Alrededor di 15.5 biyon euro den gasto di gobierno aña pasa no por wordo contabilisa adecuadamente, loke ta conta pa un ‘preocupante’ 5 porciento di e presupuesto total, segun Contraloria General di Hulanda a bisa ayera.
Ta di tres aña consecutivo cu auditornan a haya accounting ministerial ta deficiente. E cuentanan ta asumi di ta den orden si menos cu 1 porciento di e gasto no ta substancia. Aña pasa, gobierno a gasta 33 biyon euro pa suavisa e impacto di coronavirus, y esaki solamente a expone mas ainda e fayo y debilidadnan den controlnan riba gastonan di gobierno, segun Contraloria General a bisa.
Algun di e problemanan ta pa motibo di escasez di personal y Contraloria General a haci un yamado pa gobierno tuma accion pa sigura cu esaki no ta e caso den futuro.
Den total, 10 di e 13 ministerio no tabatin nan cuenta na ordo.
Mientras ministerio di Salud su cuentanan a mehora, ainda nan ta mustra fayonan serio, y 4 biyon euro di gasto no ta adecuadamente contabilisa, segun Contraloria General a bisa.
Ministerio di Defensa a haci erornan mayor den outsourcing, y e ministerio di Finanzas a gasta 74 cen riba gastonan di administracion y organisacional pa cada euro cu a paga den compensacion pa dañonan causa pa temblor na Groningen. Ministerio di Asunto Economico, e auditornan a bisa, tampoco por a hustifica biyones di euro den gaso riba medidanan di sosten pa industria relaciona cu coronavirus.
“Aña tras aña nos a conclui cu mas di 99 porciento di gasto di gobierno ta den linea cu e reglanan”, chief auditor, Arno Visser a bisa. “Pero esey no ta e caso pa e ultimo tres aña, y e problema ta empeorando… mi no ta sigur con pa splica con serio esaki ta.”
Contraloria General semper ta publica su rapportnan riba gastonan di gobierno riba e di tres diaranson di mei.
