Alrededor di 250.000 pasahero di KLM ainda ta pega den exterior, esaki ta locual director Elbers a informa e siman aki. El a priminti di lo haci tur esfuerso pa tur hende regresa Hulanda bek.
Pero e decisionnan diario di gabinete ta pone cu avionnan mester keda tera. Elbers ta spera cu den curso di otro siman tur avion lo stop di bula ya cu tin mas medidanan na caminda. KLM ta haci lo maximo pero si otro paisnan y Hulanda cera trafico aereo nan no por bula, segun Elbers. Normal KLM ta haya 20.000 mensahe via media social, pero awor esaki ta 200.000 plus yamada. Ayera KLM a informa personal cu lo no tin retironan obligatorio debi na coronavirus. Esaki danki na e pakete di sosten di gabinete Rutte. E compania ta den problemanan serio debi na cancelacion di vuelonan. Schiphol tambe lo haya yudansa di gabinete. Siman pasa KLM a bisa cu nan lo duna retiro na 2000 hende, pero awor e ta conta pa esunnan quo contracto.
